مەودا میدیا-

سەرۆکی دەستەی وەبەرهێنان ئاشکرایکرد دەستیان بە بەرهەمهێنانی چەندین جۆری دانەوێڵە کردووە و ئاردی سفی ئەمجارەی کە دابەشدەکرێت بەرهەمی ناوخۆی هەرێمی کوردستان دەبێت، وەزارەتی کشتوکاڵی هەرێم سەرپەرشتی دابەشکردنی ئاردەکە دەکات و نرخەکەشی دیاری دەکات.

محەمەد شوكری، سەرۆكی دەستەی وەبەرھێنان بە میدیای فەرمیی پارتی راگەیاند "پرۆژەی بەبازاڕكردنی گەنم، كە ئەمساڵ كەوتە بواری جێبەجێكردنەوە، گەنمی وەرگرت و دەستیش بە بەرھەمھێنانی چەندین جۆر دانەوێڵە دەكرێت، هەروەها لە 1ی ئابی ئەمساڵ ئاردی سفر لەو پرۆژەدا بەرھەم دەھێندرێت بەپێی ئەو پلانەی بۆی داندراوە و ئامادەكاریی تەواویشی بۆ كراوە".

ئاماژەی بەوەشکردووە "وەزارەتی كشتوكاڵی حكومەتی ھەرێمی كوردستان سەرپەرشتی دابەشكردنی ئاردەكە دەكات و خۆیان نرخەكە دیاری دەكەن، كە بە جۆرێك بێت گونجاو بێت لەگەڵ بازاڕ و بەرھەمەكەش باش دەبێت، چونكە لە ناوخۆی ھەرێمی كوردستان و لە كارگەی خۆماڵی بەرھەم دێت".

پ.ح