مەودا میدیا-

وتەبێژی وەزارەتی دەرەوەی عیراق رایگەیاند لە داهاتوویەکی نزیکدا سەرۆک وەزیرانی عیراق سەردانی پاکستان دەکات.

ئەحمەد سەحاف، وتەبێژی وەزارەتی دەرەوەی عیراق بە میدیاکانی راگەیاندووە فواد حسێن، وەزیری دەرەوەی عیراق لە دیداریدا لەگەڵ عەمران خان، سەرۆك وەزیرانی پاكستان باسی پەیوەندی نێوان هەردوو وڵاتیان کردووە.

ناوبراو ئاماژەی بەوەشکردووە لە داهاتوویەکی نزیکدا، مستەفا کازمی، سەرۆک وەزیرانی عیراق سەردانی پاکستان دەکات و لەگەڵ عەمران خان کۆدەبێتەوە.

حکومەتی عیراق بەنیازە کۆتایی ئەم مانگە دیداری وڵاتانی دراوسێی عیراق ئەنجامبدات و تێیدا سەرۆک و نوێنەرانی وڵاتانی دراوسێ بەشداری بکەن و دیداری نێوان وەزیری دەرەوەی عیراق و سەرۆکی پاکستانیش بۆ بانگهێشتکردنی ئەوەی دووەمیان بووە بۆ ئامادەبوون لە دیدارەکەدا .

بم