مەودا میدیا- سازگار ئەحمەد

بەڕێوەبەری گشتیی حەج و عومرە لە وەزارەتی ئەوقاف و کاروباری ئایینی حکومەتی هەرێمی کوردستان رایدەگەیەنێت لە رۆژی شەممەی داهاتووەوە گەشتەکانی عومرە لە هەرێمی کوردستان دەستپێدەکاتەوە.

نیاز نەقشبەندی، بەڕێوەبەری گشتیی حەج و عومرە لە وەزارەتی ئەوقاف و کاروباری ئایینی حکومەتی هەرێمی کوردستان بە مەودا میدیای راگەیاند "بڕیارە رۆژی شەممە 21ی ئابی 2021 لە هەرێمی کوردستان گەشتەکانی عومرە دەستپێبکاتەوە و یەکەم گەشت ئەنجام دەدرێت بەپێی رێنماییە تەندروستییەکان و ئەو مەرجانەی وڵاتی سعودیە بۆ عومرەکاران دیاریکردووە".

ئاماژەی بەوەشکرد "مەرجەکان ئەوەیە کە ئەو کەسەی عومرە دەکات تەمەنی سەروو 18 ساڵ بێت و دوو ژەم ڤاکسینی دژە کۆرۆنای وەرگرتبێت، لەوێش بەپێی رێنماییە تەندروستییەکان عومرە بەجێبهێنن".

سەبارەت بەوەی ژمارەی عومرەکاران دیارەکراوە بەڕێوەبەری گشتیی حەج و عومرە وتی "نەخێر ژمارەی عومرەکاران دیارینەکراوە، هەر کەسێک ئەو مەرجانەی تیادا بێت کە دیاریکراوە دەتوانێت گەشتەکە ئەنجام بدات".

س.س