مەودا میدیا-

هاتوچۆی گەرمیان رایگەیاند، ماتۆڕ سوارێک لەگردەگۆزینە لە کەلار بەهۆی رووداوێکی هاتوچۆوە لە جۆری پێکدادان گیانی لەدەستدا.

بەڕێوەبەرایەتیی هاتوچۆی گەرمیان رایگەیاند، بەرەبەیانی ئەمڕۆ شەممە کاتژمێر 4:00، لە گردەگۆزینەی سەربە قەزای کەلار ماتۆڕ سکیلێک و رافیعەیەک، پێکیاندادا و لێخوڕی ماتۆڕسکیلەکە گیانی لەدەستدا.

ئاماژەی بەوەشکردووە، رافیعەکە بەئاراستەی کەلار هاتووە و ماتۆڕسکیلەکەش بەپێچەوانەوە لە جووت سایدی ناو گردەگۆزینە پێکیانداداوە و ئەوکەسەی گیانی لەدەست داوە لەدایکبووی ساڵی (2000)ە، لەئێستادا لێکۆڵینەوە لەلایەن تیمی هاتوچۆوە لە رووداوەکە دەستی پێکردوە.

ر. ر