مەودا میدیا-

لە هێرشێکی چەکدارانی داعش لە تارمییەی باکووری بەغدا چوار چەکداری حەشدی شەعبی کوژران و هەشتی دیکەش برینداربوون.

ئەمڕۆ شەممە 21ی ئابی 2021 شانەی راگەیاندنی ئەمنی عیراق لە راگەیەندراوێکدا بڵاویکردەوە، درەنگانی شەوی رابردوو ژمارەیەک چەکداری داعش، لەرێگەی قەناس و بۆمبی چێندراو، هێرشییان کردە سەر لیوای 12ی حەشدی شەعبی، لە ناوچەی تارمییە لە باکووری بەغدا، لە ئەنجامدا چوار چەکداری حەشد کوژران و هەشتی دیکەش برینداربوون و یەکێک لە کوژراوەکان، جێگری فەرماندەی فەوجە.

هێرشەکەی چەکدارانی داعش لە کاتێکدا بووە، چەکدارانی حەشدی شەعبی لە ئۆپراسیۆنێکدا بەمەبەستی گەڕان و پشکنین لە قەزای تارمییە لە ئەرکدابوون.

ر. ر