مەودا میدیا-

بەڕێوەبەرایەتیی پۆلیسی پارێزگای سلێمانی دەستگیرکردنی دوو تۆمەتباری راگەیاند بە تۆمەتی بریندارکردنی هاوڵاتییەک، هەروەها ئەو دوو تۆمەتبارە تەقەیان بە ئاسمانیشدا کردبوو.

لە راگەیەندراوەکەدا هاتووە "لە گەڕەكی وڵوبە لە شاری سلێمانی دوو تۆمەتبار هێرشیانكردە سەر هاوڵاتییەك و بە چەقۆ برینداریان كرد، بۆ دەربازبوونیشیان تەقەیان بە ئاسماندا کردبوو، دەستبەجێ‌ مەفرەزەكانی پۆلیس گەیشتنە شوێنی رووداوەكە و توانرا لەلایەن بنكەی پۆلیسی چوارچراوە هەردوو تۆمەتبار كە بران دەستگیربكرێن و دەستیش بگیرێت بەسەر ئەو چەكەی كە تەقەیان پێكردووە".

لە راگەیەندراوەکەی پۆلیسدا ئاماژە بەوەشکراوە "لەئێستا هەردوو تۆمەتبار (ب ، ج ، ج) و (ه ، ج ، ج) بە بڕیاری بەڕێز دادوەر راگیراون و لێكۆڵینەوە لەگەڵیان بەردەوامە".

س.س