مەودا میدیا-

وەزیری دارایی عیراق رایدەگەیەنێت بەراورد بە ساڵی رابردوو رێژەی هەژاری لە عیراق بەرزبووەتەوە، ئاماژەی بەوەشکرد نابێت رێگه‌ به‌وه‌ بدرێت، كه‌ ملیۆنان خێزانی عیراقی له‌ژێر ركێفی بازاڕی نه‌وت ژیان بكه‌ن".

عەلی عەللاوی، وەزیری دارایی عیراق لە وتارێکدا کە لە رۆژنامەی (گاردیان)ی به‌ریتانی بڵاوکراوەتەوە رایگەیاند "بەراورد بە ساڵی رابردوو رێژەی هەژاری لە عیراق بەرزبووەتەوە، هۆکاری ئەمەش بۆ بڵاوبوونەوەی کۆرۆنا و بەرزبوونەوەی بەهای دۆلار و نرخی نەوتەوەیە".

وەزیری دارایی عیراق ئەوەشی خستەڕوو "باشترکردنی دۆخی عێراق په‌یوه‌ندی به‌و سیاسه‌تانه‌وه‌ هه‌یه‌، له‌ رێگه‌ی زیادكردنی پڕۆژه‌ وه‌به‌رهێنه‌ره‌كان و رێگه‌دان به‌ كه‌رتی تایبه‌ت كه‌ له‌ عێراق رۆڵ بگێرێت، هه‌روه‌ها پشت نه‌به‌ستن به‌ داهاته‌كانی نه‌وت".

باسی لەوەشکرد "نابێت رێگه‌ به‌وه‌ بدرێت، كه‌ ملیۆنان خێزانی عیراقی له‌ژێر ركێفی بازاڕی نه‌وت ژیان بكه‌ن، چونكه‌ گۆڕانكاریی له‌ نرخی نه‌وت و گاز په‌یوه‌ندیی نییە به‌ ژیانی هاوڵاتییانەوە".

س.س