مەودا میدیا-

وەزارەتی پەروەردەی حکومەتی هەرێمی کوردستان ساڵنامەی خوێندنی بۆ ساڵی 2021-2022 بڵاوکردەوە و وەزیری پەروەردەی حکومەتی هەرێمی کوردستانیش رایگەیاند، دەبێت لەسەرجەم ناوەندەکانی خوێندن پەیڕەوبکرێت. 

 

ئەمڕۆ پێنجشەممە نۆی ئەیلولی2021 وەزارەتی پەروەردەی حکومەتی هەرێمی کوردستان نوسراوێکی ئاراستەی سەرجەم بەڕێوەبەرایەتییە گشتییەکانی پەروەردەی (هەولێر، سلێمانی، دهۆک، هەڵەبجە و گەرمیان) کردووە کە واژۆی ئالان حەمەسەعید، وەزیری پەروەردەی لەسەر و تێیدا داوا دەکات ئەم ساڵنامە نوێیەی خوێندن لە هەموو ناوەندەکانی خوێندن کاری پێ بکرێت.

 

هاوکات لە ساڵنامەکەدا رۆژانی پشووی خوێندن، رۆژانی پشووی فەرمی و رۆژانی تاقیکردنەوە دەستنیشانکراون.

ر. ر