مەودا میدیا-

بەرێوەبەرایەتیی ئاسایشی شارەزور رایگەیاند، دوو تۆمەتبار سزادران کە  بە تۆمەتی جیا تۆمەتبار کرابوون لە رابردوودا. 

بەرێوەبەرایەتیی ئاسایشی شارەزوور راگەیەندراوێکی بڵاوکردەوە و ئاماژەی بەوەکرد "دوای ئەوەی لە ماوەکانی رابردوودا بە فەرمانی دادوەر ھێزەکانیان توانیان دوو تۆمەتبار دەستگیر بکەن و دوای رەوانەکردنی دۆسییەکانیان بۆ بەردەم دادگا و دواجار دادگا سزایی یاسایی بۆ ھەردوو تۆمەتبارەکە دەرکردووە".

ئەوەشی خستووتەڕوو، تۆمەتبار (ش .م .ێ) بە یەک ساڵ زیندانی و بڕی پێنج ملیۆن دیناری عیراقی سزادرا بەپێی ماددەی 30 لە یاسای بەرەنگار بونەوەی ماددەی ھۆشبەر و کارتێکەرە عەقڵیەکان،  تۆمەتباری دووەم بەناوی (ک . ع . أ) بە یەک ساڵ زیندانی بە پێی ماددەی (430/1) لە یاسای سزاکان سزادرا.

ر. ر