مەودا میدیا-

وەزارەتی ناوخۆی عیراق له‌باره‌ى مۆڵه‌تى هه‌ڵگرتنى چه‌ك له‌لایه‌ن پاڵێوراو وپاسه‌وانه‌كانیان روونکردنەوە دەدات و رایدەگەیەنێت بابه‌تى هه‌ڵگرتنى چه‌ك له‌لایه‌ن پاڵێوراوان و یاوه‌ره‌كانیان په‌یوه‌سته‌ به‌ رێنماییه‌كانى وه‌زاره‌تى ناوخۆوه‌.

ئەمڕۆ هەینی 17ی ئەیلولی 2021 لیوا خالید محه‌ننا، وته‌بێژى وه‌زاره‌تى ناوخۆی عیراق بە ئاژانسى هه‌واڵى عێراقى راگەیاند "بابه‌تى هه‌ڵگرتنى چه‌ك له‌لایه‌ن پاڵێوراوان ویاوه‌ره‌كانیان په‌یوه‌سته‌ به‌ رێنماییه‌كانى وه‌زاره‌تى ناوخۆوه‌، هەروەها به‌ڕێوبه‌رایه‌تییه‌كى په‌یوه‌ندیدار هه‌یه‌ به‌پێدانى مۆڵه‌تى چه‌ك وبه‌پێچه‌وانه‌ى ئه‌م مۆڵه‌ته‌ فه‌رمییه‌ له‌لایه‌ن ده‌زگاكانى پۆلیسه‌وه‌ لێپرسینه‌وه‌ هه‌یه‌".

ئاماژەی بەوەشکرد "هیچ هێزێكى تایبه‌ت نییه‌ بۆ پاراستنى هه‌موو پاڵێوراوێك، به‌ڵام له‌كاتى بوونى گردبوونه‌وه‌ى گه‌وره‌ى بانگه‌شه‌ى هه‌ڵبژاردن ئه‌وه‌ ئه‌م گردبوونه‌وه‌یه‌ ده‌پارێزرێت".

وتەبێژی وەزارەتی ناوخۆی عیراق باسی لەوەشکردووە "تاوه‌كو ئێستا هیچ سكاڵایه‌تى تایبه‌ت به‌ هه‌ڕه‌شه‌كردن یان په‌لاماردانى پاڵێوراوان تۆمار نه‌كراوه‌".

س.س