مەودا میدیا-

نوسینگەی رۆژنامەوانی بانکی رافیدەینی عیراقی دەستپێکی دابەشکردنی مووچەی بەشێک لە فەرمانبەرانی حکومەتی عیراقی راگەیاند.

ئەمڕۆ سێشەممە 21ی ئەیلولی 2021 نوسینگەی رۆژنامەوانی بانکی رافیدەین لە لێدوانێکدا بۆ میدیا عیراقییەکان رایگەیاند "دەستمان بە دابەشکردنی مووچەی فەرمانبەرانی ئەو وەزارەتانە کردووە کە مووچەکانیان لەلایەن وەزارەتی داراییەوە تەمویل کراوە و هەڵگری کارتی ئەلیکترۆنی ماستەر کاردن".

بانکی رافیدەین ئەوەشی خستووەتەڕوو "بانکەکە پابەندە بە دابەشکردنی مووچە لە وادەی دیاریکراودا".

ر. ر