مەودا میدیا-

بەڕێوەبەرایەتیى ئاسایشى پارێزگاى سلێمانى دەستگیرکردنی تۆمەتبارێکی راگەیاند بە تۆمەتی دزیکردن لە ماڵان، دوو دەمانچەی جۆرەکانی کڵۆک و ویلتەری دزیوە و لەگەڵ چەند پارچە زێڕێک و پارەدا.

لە راگەیەندراوەکەی پۆلیسدا هاتووە "هێزەکانى بەڕێوەبەرایەتیى ئاسایشى پارێزگاى سلێمانى بە سەرپەرشتى و رێنمایی دەزگاى ئاسایشى هەرێم  بە فەرمانى دادوەر توانیان لە رۆژی 13ی ئەیلولی 2021  تۆمەتبارێک بە ناوی (ج, ع, ع) لەدایکبووی ساڵی 1979 دەستگیربکەن لە قەزای دوکان کە دزی لەماڵان کردووە و  دوو دەمانچەی جۆری کڵۆک و ویلتەر و زیاتر لە پێنج سەد هەزار دینار و چەند پارچە زێڕێکی دزیبوو".

ئاماژەی بەوەشکرد "چەندین فەرمانی دەستگیرکردنی پێشوی هەبووە لە لایەن دادگا لەسەر هەمان تۆمەت، پێشینەی گرتن و سزادانی بۆ ماوەی یانزە ساڵ زیندانی هەبووە , دوای ئازادکردنی دەستی داوەتەوە ئەنجامدانی هەمان تاوان ,تۆمەتبار بەپێی مادەی (446) لە یاساى سزادانى عیراقى دەستگیرکراوە و دواتر بە پێی تایبەتمەندی تاوانەکەی رادەستی بەڕێوەبەرایەتیی پۆلیسی دوکان کراوە".

س.س