مەودا میدیا-

سەرۆک وەزیرانی عیراق رایگەیاند، چەند رۆژێكی كەم ماوە لەبەردەم گەلەكەمان بۆ ئەوەی ئایندەی خۆی لە رێگەی بەشداریكردنی فراوان و هەڵبژاردنی دروستەوە بنەخشێنێت.

  
 ئەمڕۆ هەینی 24ی ئەیلولی 2021 مستەفا کازمی، سەرۆک وەزیرانی عیراق لە تویتێکدا لە هەژماری خۆی لە تۆڕی کۆمەڵایەتی تویتەر نووسیویەتی "بڕوا بەوانە مەكەن گفتی وەهمی دەدەن بۆ دامەزراندن و پارچە زەوی و دەنگ دەكڕن، گوێ لەوانەش مەگرن هەڕەشە دەكەن، دووریان بخەنەوە لە هەڵبژاردنێكی ئازاد و بێگەرد". 

  

رۆژی چوارشەممەش لە کۆبوونەوەی ئەنجومەنی وەزیرانی عیراق مستەفا کازمی هۆشداریدا لە هەوڵەکانى کڕینى دەنگ لەڕێگەى (دامەزراندنى وەهمى)یەوە و بەڵێنیدا رێگە بە گەندەڵى و ساختەکاریی نەدات لە هەڵبژاردنى داهاتوودا.  

ر. ر