عیراقی

موقتەدا سەدر لێژنەیەکی چوار کەسی بۆ دانوستان لەگەڵ لایەنەکان پێکهێنا

مەودا میدیا - سلێمانی |


موقتەدا سەدر لێژنەیەکی چوار کەسی بۆ دانوستان لەگەڵ لایەنەکان پێکهێنا
مەودا میدیا-

 بە پێی نوسراوێک کە واژۆی موقتەدا سەدر، رێبه‌ری ره‌وتی سه‌دری لەسەرە و تێیدا ناوی شاندێکی چوار کەسی هاتووە کە وەک شاندی دانوستانكار لەگەڵ لایەنەکان بۆ پێكهێنانی حكومه‌تی داهاتوی عیراق دیاریکراون.

ئەمڕۆ پێنج شەممە موقته‌دا سه‌در، رێبەری رەوتی سەدر له‌ چوارچێوه‌ی به‌یاننامه‌یه‌كدا رایگه‌یاند "ته‌واوی لایه‌نه‌ سیاسییه‌كان ئاگادار ده‌كه‌ینه‌وه‌، كه‌ لیژنه‌ی دیاریكراو بۆ پێكهێنانی حكومه‌تی داهاتوی عیراق، نوێنه‌رایه‌تی ره‌وتی سه‌در ده‌كه‌ن".

ئەوەشی خستووتەڕوو، لیژنه‌ی ناوبراو ته‌واوی ده‌سه‌ڵاتیان هه‌یه‌، بۆ ئه‌وه‌ی هاوپه‌یمانێتی بۆ ئه‌م قۆناغه‌ دروستبكه‌ن، ئه‌میش له‌سه‌ر بنه‌مای به‌رژه‌وه‌ندی گشتی و خۆپارێزی له‌و كه‌سانه‌ی كه‌ تێبینیمان له‌ سه‌ریان هه‌یه‌.

رێبەری رەوتی سەدر  لە بەیاننامەکەدا باسی لەوەشکردووە "هیچ كه‌سێك بۆی نییه‌ ده‌ستێوه‌ردان له‌ كاروباری ئه‌و لیژنه‌یه‌ بكات، كه‌ پێكهاتوون له‌:

حه‌سه‌ن عه‌زاری / سه‌رۆكی لێژنه‌

نه‌سار ئه‌لروبه‌یعی / جێگری یه‌كه‌م

نه‌بیل ته‌ڕه‌فی / جێگری دووه‌م

حاكم زاملی / پاڵپشتی لێژنه‌

ر. ر