مەودا میدیا-

سەرۆکی پارتی دیموکراتی کوردستان و رێبەری رەوتی سەدر پەیوەندییەکی تەلەفۆنیان ئەنجامدا و جەختیان لەسەر بەردەوامی گفتوگۆکانی نێوانیان کردەوە.

نووسینگەی موقتەدا سەدر، رێبەری رەوتی سەدر لە راگەیەندراوێکدا رایگەیاند "ئێوارەی ئەمڕۆ 9ی کانونی یەکەمی 2021 موقتەدا سەدر و مەسعود بارزانی، سەرۆکی پارتی دیموکراتی کوردستان پەیوەندییەکی تەلەفۆنیان ئەنجامدا".

ئاماژەش بەوەکراوە "لە پەیوەندییەکەدا هەردوولا هاوڕابوون لە چالاککردنەوەی گفتوگۆی جدی سەبارەت بە هاوپەیمانێتییەکانی داهاتوو بە جۆرێک کە بەرژەوەندییەکانی وڵات و گەلی عیراق مسۆگەر بکات".

هەروەها نووسینگەی موقتەدا سەدر باسی لەوەشکردووە، هەردوولا جەختیان لەسەر بەردەوامی گفتوگۆکانی نێوانیان کردووەتەوە و بەردەوامی گفتوگۆکانیان بە گرنگ زانیوە.

س.ر