مەودا میدیا-

فه‌رمانگه‌ى راگه‌یاندنى ئه‌نجومه‌نى نوێنه‌رانى عیراق ئاشکرایکرد لە سبەینێوە بۆ سێیەم جار دەرگای خۆپاڵاوتن بۆ پۆستی سەرۆک کۆماری عیراق دەکرێتەوە.

ئەمڕۆ شەممە 5ی ئاداری 2022 فه‌رمانگه‌ى راگه‌یاندنى ئه‌نجومه‌نى نوێنه‌رانى عیراق رایگەیاند "لە سبەینێ یەکشەممە 6ی ئاداری 2022 دەرگای خۆپاڵاوتن بۆ پۆستی سەرۆک کۆماری عیراق دەکرێتەوە".

 فه‌رمانگه‌ى راگه‌یاندنى ئه‌نجومه‌نى نوێنه‌رانى عیراق راشیگەیاندووە "تەنها بۆ ماوەی سێ رۆژ دەگای خۆپاڵاوتن دەکرێتەوە بۆ ئەو کەسانەی دەیانەوێت بۆ پۆستی سەرۆک کۆمار خۆیان کاندید بکەن".

هەروەها ئاماژە بەوەکراوە "هه‌ڵبژاردنى ئه‌ندامه‌كانى په‌رله‌مانیش بۆ لیژنه‌كان ده‌كه‌وێته‌ دانیشتنى داهاتووى ئه‌نجومه‌نى نوێنه‌رانه‌وه‌".

س،ر