مەودا میدیا-

هێڵی ئاسمانیی عیراقی رایگەیاند، دەسەڵاتی فڕۆکەوانیی تورکیا پێی راگەیاندوون کە لە ئەمڕۆوە بەهۆی ناجێگیری کەشوهەواوە سەرجەم گەشتەکان بۆ فڕۆکەخانەی ئیستانبوڵ راگیراون.

ئەمڕۆ شەممە هێڵی ئاسمانیی عیراقی ئاگادارییەکی بڵاوکردەوە کە تێیدا هاتووە، راگرتنی گەشتەکان تەنها بۆ ئەمڕۆیە و دوای ئاساییبوونەوەی دۆخی کەشوهەوا، دەستپێدەکەنەوە.  

ئەوە لەکاتێکدایە شەپۆلێکی چڕی بەفر بارین تورکیای گرتووەتەوە و بەو هۆیەشەوە دۆخی کەشوهەوا ناجێگیرە و ئاستەنگی هاتوچۆ لە چەند شارێکی ئەو وڵاتە دروستبووە.

ر. ئ.