مەودا میدیا-

 سه‌رۆكی وه‌زیرانی عیراق رایدەگەیەنێت ئەو دەستدرێژییەی شاری هەولێری کردە ئامانج و خەڵکەکەی تۆقاند، دەستدرێژییە بۆسەر ئاسایشی گەلەكەمان، ئاماژە بەوەدەکات هێزەكانمان لێكۆڵینەوە لە هێرشەكان دەكەن.

مسته‌فا كازمی، سه‌رۆكی وه‌زیرانی عیراق له‌باره‌ی هێرشه‌ مووشه‌كییه‌كه‌ی سه‌ر هه‌ولێر له‌ تویتێكدا رایگه‌یاند "ئەو دەستدرێژییەی شاری هەولێری ئازیزی کردە ئامانج و خەڵکەکەی تۆقاند، دەستدرێژییە بۆسەر ئاسایشی گەلەكەمان، لەگەڵ سەرۆكی حكومەتی هەرێمی كوردستانی برا بەدواداچوونم كرد".

راشیگەیاند "هێزەكانمان لێكۆڵینەوە لە هێرشەكان دەكەن و بەرەنگاری هەر چەشنە تێكدانێكی ئاسایشی هاووڵاتیان و شارەكانمان دەبینەوە".

درەنگانی ئەمشەو 13ی ئاداری 2022 بە چەند مووشەکێک هێرشکرایە سەر کونسوڵخانەی نوێی ئەمەریکا لە هەولێر و بەوهۆیەوە چەند شوێنێکی نیشتەجێبوون و باڵەخانە زیانیان بەرکەوت و زیانی مادی لێکەوتەوە و کەسێکیش بە سووکی برینداربوو.

س،ر