مەودا میدیا-

سەرۆکی فراکسیۆنی سەدر لە پەرلەمانی عیراق دەڵێت "رێبەر ئەحمەد کاندیدی ئێمە بە پۆستی سەرۆک کۆمار و هەروەها محەمەد جەعفەر سەدر کاندیدمانە بۆ پۆستی سەرۆک وەزیران".

حسێن عەزاری، سەرۆکی فراکسیۆنی رەوتی سەدر لە پەرلەمانی عیراق لە کۆنگرەیەکی رۆژنامەوانیدا رایگەیاند "رێبەر ئەحمەد بۆ پۆستی سەرۆک کۆمار و محەممەد جەعفەر سەدر بۆ پۆستی سەرۆک وەزیران کاندیدی هاوپەیمانیی رزگارکردنی نیشتمانن کە لە پارتی دیموکراتی کوردستان، رەوتی سەدر و سەروەریی سوننەکان پێکهاتووە".

له‌ به‌غدای پایتەخت به‌ به‌شداری پارتی  و كوتله‌ی سه‌در و سیاده‌ی سونەکان (هاوپه‌یمانیی رزگاریی نیشتمان) راگه‌یه‌ندرا، هەر ئەمڕۆش کاندیدیان بۆ هەردوو پۆستی سەرۆک وەزیران و سەرۆک کۆمار دیاریکرد.

دوای ئه‌وه‌ی لە دانیشتنی داهاتوی پەرلەمانی عیراق کە بڕیارە رۆژی شەممە ئەنجامبدرێت سه‌رۆک كۆمار هه‌ڵبژێردرا، بەپێی ده‌ستوور سه‌رۆك كۆمار راده‌سپێردرێت بۆ پێكهێنانی كابینه‌ی نوێی حكومه‌ت.

ر. ئ.