مەودا میدیا-

دەستەی کەشناسیی عیراق رایدەگەیەنێت، پێشبینی ئەوە دەکرێت لە دوو رۆژی داھاتوودا پلەکانی گەرما جارێکی دیکە نزمبوونەوە تۆماربکەن و لە پارێزگانی کەرکوک، سلێمانی، دھۆک و نەینەوا نمەباران ببارێت.

لە راگەیەندراوێکدا دەستەی کەشوھەوای عیراق ئاماژەی بەوەکرد، لە رۆژانی پێنجشەممە و ھەینی پلەکانی گەرما بە جیاوازی پێنج پلە دێنە خوارەوەبەراورد بە ئەمڕۆ، لە کاتەکانی شەویشدا پلەکانی گەرما لە ناوچەکانی ناوەڕاست و باکوور و رۆژئاوای عیراق زیاتر دادەبەزێت.

ئەوەشی خستووەتەڕوو، چاوەڕوان دەکرێت لە پارێزگاکانی کەرکوک، سلێمانی، دھۆک و نەینەوا نمەباران ببارێت و پلەکانی گەرما دابەزین تۆمار بکەن.

باسی لەوەشکردووە، بەیانی رۆژی پێنجشەممە، شەپۆلێکی خۆڵبارین لە ناوچەکانی خۆرئاوای عیراقەوە بە ئاڕاستەی شارەکانی فوڕاتی ناوەڕاست و پارێزگای نەجەف و سەماوە و زیقار و بەسرە دەستپێبکات، بەو ھۆیەشەوە ئاستی بینین دادەبەزێت، بۆیە دەبێت شۆفێران لەرێگەکانی دەرەوەی شارەکان بە ھۆشیارییەوە شۆفێری بکەن.

ر. ئ.