مەودا میدیا-

سەرکردەکانی چوارچێوەی ھەماھەنگیی شیعە و نوێنەرانی فراکسیۆنەکانەکانی چوارچێوەی ھەماھەنگی، لە ماڵی نوری مالیکی، سەرۆکی ئیئتیلافی دەوڵەتی یاسا لە کۆبوونەوەدان.

بەپێی زانیاری میدیا عیراقییەکان، لە ماڵی نوری مالیکی تاوتوێی رەوشی سیاسی و ئەگەرەکانی کۆبوونەوەی ئەنجومەنی نوێنەران دەکەن.

سەرکردەکانی چوارچێوەی ھەماھەنگی و بەشێک لە پەرلەمانتارانی فراکسیۆنەکانی چوارچێوەی ھەماھەنگیش لە کۆبوونەوەکەدا بەشدارن.

ئەوە لەکاتێکدایە بڕیاربوو کاتژمێر 11ی ئەمڕۆ کۆبوونەوەی پەرلەمانی عیراق بۆ هەڵبژاردنی سەرۆک کۆمار بەڕێوەبچێت، بەڵام بە هۆی رێکنەکەوتنی لایەنەکان تا ئەم ساتە کۆبوونەوەکە ئەنجام نەدراوە.

ر. ئ.