مەودا میدیا-

جێگری یەکەمی سەرۆکی ئەنجومەنی نوێنەرانی عیراق ئاشکرایکرد قەیرانی سوتەمەنی لە عیراق کۆتایی هاتووە، ئاماژەی بەوەشکرد دەست بە دابەشکردنی سوتەمەنی دەکرێت بەسەر وێستگە مەدەنییەکان.

بەپێی هەواڵێکی ئاژانسی هەوڵی عیراقی حاكم زاملی، جێگری یەکەمی سەرۆکی ئەنجومەنی نوێنەرانی عیراق رایگەیاند "لەگەڵ وەزارەتی نەوت و خاوەن وێستگە مەدەنییەکان رێککەوتوون کە بنکەکانی پڕکردنەوە بەڕووی هاوڵاتییاندا بکەنەوە و دەستبەجێ کۆتایی بە قەیرانی سوتەمەنی بهێنین".

ئاماژەی بەوەکرد "رێککەوتنەکە بریتی بوو لە دەستپێکردنەوەی دابەشكردنی سوتەمەنی بەسەر وێستگە مەدەنییەكان قەیرانەكە ناهێڵێت و  زامنکردنی هەر کەموکوڕییەک لە پرۆسەکردن و دابەشکردنی یەکسانی نێوان حکومەت و وێستگە مەدەنییەکان دەبێت".

س،ر