مەودا میدیا-

سەرۆک وەزیرانی عیراق گەیشتە رۆژئاوای پارێزگای ئەنبار بۆ سەرپەرشتیکردنی راستەوخۆی قۆناغی دووەمی ئۆپراسیۆنی ئیرادەی پۆڵاین دژی پاشماوەکانی داعش و رایگەیاند "هیچ بژاردەیەکی ترتان نییە جگە لە مردن".  

  

ئەمڕۆ 23ی نیسانی 2022 مستەفا کازمی، سەرۆک وەزیرانی عیراق بە جلی سەربازییەوە لەگەڵ فەرماندە باڵاکانی سوپا و حەشدی شەعبی کۆبوویەوە و رایگەیاند "ئەمیری نوێی داعش لەناودەبەین".  

  

کازمی جەختیکردەوە لەسەر "پێویستی پابەندبوون بە فەرمانە سەربازییەکان و راسپاردەکانی فەرماندەیی".

فەرماندەیی ئۆپەراسیۆنە هاوبەشەکانی عیراق دەڵێت "ئامانج لەم ئۆپەراسیۆنانە وشکردنی سەرچاوەکانی تیرۆر و راوەدوونانی چەکدارانی داعش و پاککردنەوەی ناوچەکانە".  

ر. ئ.