مەودا میدیا-

وتەبێژی وەزارەتی تەندروستی حكومەتی هەرێمی كوردستان رایدەگەیەنێت ئەوانەی لە سلێمانی توشی نەخۆشی كۆرۆنا بوون تەندروستیان زۆر باشە و هیچ گرفتێكیان نییە.

محەمەد قادر، وتەبێژی وەزارەتی تەندروستی حكومەتی هەرێمی كوردستان بە مەودا میدیای راگەیاند "ئەو هاوڵاتیانەی لە سلێمانی توشی نەخۆشی كۆرۆنا بوون دۆخیان زۆر باشە و هیچ ترسێكیان لەسەر نییە".

ئەوەشی خستەڕوو "پێشبینی دەكەین ئەوانەی توشی كۆرۆنا بوون بەخێرایی چاك ببنەوە و رەوانەی ناو كەسوكاریان بكرێتەوە، هەروەها ئەو ژنەش كە توشی كۆرۆنا بووە لە هەولێر ئەویش باری تەندروستی باشە".

وتیشی "هیچكام لەو هاوڵاتیانەی كە توشی كۆرۆنا بوون هیچ نیشانەیەكی توندیان تێدا نییە".