مەودا میدیا-

نرخی نەوتی خاو لە بازاڕەكانی جیهان زیاتر لە مانگێكە لە بەرزبوونەوەی بەردەوامدایە و ئەوەش بە پاڵپشتیی خواستی كڕیاران لەسەر بەرهەمەكەیە، ئەمڕۆش بە رێژەی لەسەدا 0.5 نرخەكەی زیاتر بەرزبووەوە.

نرخی بەرمیلێك نەوتی خاوی برێنت لەكاتی كردنەوەی بازاڕەكاندا لە جیهان ئەمڕۆ یەكشەممە 13ی ئاب- 2023 بە 86.81 دۆلار بوو، بەوپێیە نرخەكەی 41 سەنت و بە رێژەی لەسەدا 0.5 بەرزبووەتەوە.

هاوكات یەك بەرمیل خاوی تەكساسی رۆژئاوای ئەمەریكا بە 83.19 دۆلار مامەڵەی پێوەكراوە و نرخەكەی 37 سەنت و بە رێژەی لەسەدا 0.5 بەرزبووەوە.

ئاژانسی وزەی نێودەوڵەتی لەوبارەیەوە رایگەیاند، خواستی جیهانی لەسەر نەوت گەیشتووەتە 103 ملیۆن بەرمیل لە رۆژێكدا و بە درێژایی مانگی تەمموز و ئاب خواست لەسەری زیاددەكات.

ئاماژەی بەوەشكردووە، پێدەچێت بەهۆی بەرزبوونەوەی ئاستی خواست لەسەر بەرهەمەكە، نرخی نەوت لە كۆتایی مانگی ئاب بگاتە لوتكە.

ژ.ع