مەودا میدیا-

رێكخراوی تەندروستیی جیهانی مەترسی گەورەی لەسەر بڵاوبوونەوەی نەخۆشی كۆرۆنا راگەیاند و دەڵێت لە چوار رۆژدا ئامارەكە لە 200 هەزارەوە بۆ 300 هەزار زیادی كردووە.

رێكخراوی تەندروستیی جیهانی ناسراو بە (WHO) لە بەیاننامەیەكدا رایگەیاند "نەخۆشی كۆرۆنا بەخێرایی بڵاودەبێتەوە و ئێستە تووشبووان لەسەرانسەری جیهان گەیشتونەتە سەرو 300 هەزار كەس".

ئاماژەی بەوەشكردووە" سەرەتا كە نەخۆشیەكە بڵاوبووەوە زیاتر دوو مانگی پێچوو تا ئامارەكە گەیشتە 100 هەزار كەس، بەڵام دواتر بەخێرایی بڵاوبووەوە و لە ماوەی كەمتر لە دوو هەفتە ئامارەكە بۆ 200 هەزار بەرزبووەوە و لە ئێستاشدا كە بوەتە مەترسی گەورە لە ماوەی چوار رۆژدا ئامارەگە لە 200 هەزارەوە گەیشتوەتە 300 هەزار كەس".

رێكخراوەكە ئەوەشی خستوەتەڕوو "باشترین چارەسەر بۆ دووربوون لە نەخۆشیەكە مانەوەیە لە ماڵەوە".