مەودا میدیا-

وه‌زیری ده‌ره‌وه‌ی روسیا پەیوەندییەکی تەلوفۆنی لەگەڵ محه‌مه‌د جه‌واد زه‌ریف، وەزیری دەروەی ئێران ئەنجامدا دووپاتیکردەوە کە پێویستە ئه‌مه‌ریكا سزاكانی سه‌ر ئێران هه‌ڵبگرێت.

وەزارەتی ده‌ره‌وه‌ی روسیا له‌ به‌یاننامه‌یه‌كدا بڵاویكرده‌وه‌ "ئه‌مڕۆ سێرگی لاڤرۆڤ، وەزیری دەرەوەی روسیا له‌ رێی ته‌له‌فۆنه‌وه‌ په‌یوه‌ندی بە محه‌مه‌د جه‌واد زه‌ریفه‌وه‌ كردووه‌ و هه‌ردوولا باسیان له‌ هه‌ماهه‌نگی بۆ رووبه‌ڕووبوونه‌وه‌ی په‌تای كۆرۆنا كردووه‌".

لاڤرۆڤ رایگه‌یاندووه‌ "روسیا به‌ جه‌خت له‌سه‌ر كردنه‌وه‌ داوا ده‌كات ئه‌مه‌ریكا سزاکانی له‌سه‌ر ئێران هه‌ڵبگرێت كه‌ بوونه‌ته‌ كۆسپ بۆ ئێران لە به‌ره‌نگاربوونه‌وه‌ی كۆرۆنا".