مه‌ودا میدیا-

وه‌زاره‌تى دارایی حكومه‌تى هه‌رێمى كوردستان بڵاویكرده‌وه‌، لیستى مووچه‌ى مانگى شه‌شى فه‌رمانبه‌ران ره‌وانه‌ى به‌غدا كراوه‌.

وه‌زاره‌تى دارایی هه‌رێم ده‌ڵێت "لیستى مووچه‌ى فه‌رمانبه‌رانى هه‌رێم به‌ سى دی و به‌ كاغه‌ز و واژۆكراویی ره‌وانه‌ى وه‌زاره‌تى دارایی عیراق كراوه‌".

دوێنێ چوارشه‌ممه‌، ئه‌نجومه‌نى وه‌زیرانى هه‌رێم داوایكرد له‌ وه‌زاره‌تى دارایی په‌له‌ بكه‌ن له‌ ناردنى لیستى مووچه‌ى مانگى شه‌ش بۆ به‌غدا.

ئه‌وه‌ش له‌كاتێكدایه‌ پێویسته‌ هه‌رێم هه‌موو 20 بۆ 25ى مانگێك لیستى مووچه‌ بنێرێت بۆ به‌غدا به‌ڵاَم هه‌موو مانگێك دواى ده‌خات.

سه‌رچاوه‌یه‌ك به‌ مه‌ودا میدیاى راگه‌یاند "وه‌زاره‌تى دارایی هه‌رێم لیستى مووچه‌ى دواخستووه‌ و ئه‌مڕۆش پێنجشه‌ممه‌یه‌، بۆیه‌ ناردنى پاره‌ بۆ مووچه‌ى فه‌رمانبه‌ران ده‌كه‌وێته‌ ناوه‌ڕاستى هه‌فته‌ى داهاتوو".
ع