مه‌ودا میدیا-

بەڕێوەبەری گشتیی بازرگانی، رایده‌گه‌یه‌نێت "چەکی 20 ملیار دینار پارەی گەنمی جووتیاران گەیشتووەته‌ ھەرێم و لەم ھەفتەیەدا دەستدەکرێت بە دابەشکردنی  به‌سه‌ر  پارێزگاكانی سلێمانی و ھەولێر و دھۆک". 

نەوزاد کامیل، بەڕێوەبەری گشتیی بازرگانی لە وەزارەتی بازرگانی حكومه‌تى ھەرێمى كوردستان ئاشكرایكرد "چەکی 20 ملیار دینار پارەی گەنمی جووتیاران گەیشتووەته‌ ھەرێم، و لە ئێستاشدا رێکارە کارگێڕییەکانی تەواوکراوە و لەم ھەفتەیەدا دەست بە دابەشکردنی پارەی جووتیاران دەکرێت".

راشیگه‌یاند "له‌و بڕه‌ پاره‌یه‌دا، بڕى 10 ملیار دیناری بۆ پارێزگای سلێمانی ده‌بێت و 6 ملیار دیناری بۆ ھەولێر و 4 ملیار دیناری بۆ پارێزگای دھۆک ده‌بێت.

ئه‌وه‌شى خسته‌ڕوو "تاوه‌كو ئێستا لە تەواوی پارێزگاکانی ھەرێم، بڕی 292 ھەزار و 760 تۆن گەنم لە جوتیاران وەرگیراوە و پڕۆسەی وەرگرتنه‌كه‌ش بەردەوامى هه‌یه‌".

پ ح ع