مه‌ودا میدیا-

تا ئێستا هیچ واده‌یه‌ك بۆ دابه‌شكردنى مووچه‌ى مانگى شه‌شى وه‌زاره‌تى كاره‌باى حكومه‌تى هه‌رێمى كوردستان دیار نییه‌.

هه‌فته‌ى رابردووتر به‌غدا مووچه‌ى مانگى شه‌شى فه‌رمانبه‌رانى هه‌رێمى نارد، به‌ڵام مووچه‌ى وه‌زاره‌تى كاره‌باى تێدا نه‌بوو، هۆكاره‌كه‌ش ئه‌وه‌بوو پۆلیسى كاره‌با كه‌ ژماره‌یان زیاتر له‌ دوو هه‌زار پۆلیسه‌، ناویان له‌ وه‌زاره‌تى ناوخۆ و له‌ وه‌زاره‌تى كاره‌باش هه‌بووه‌.

سه‌رچاوه‌یه‌كى ئاگادار به‌ مه‌ودا میدیاى راگه‌یاند "به‌غدا به‌رده‌وامه‌ له‌ وردبینى له‌ لیستى مووچه‌ى مانگى شه‌شى وه‌زاره‌تى كاره‌با، تا ئێستا كاتى هاتنى پاره‌ دیار نییه‌، به‌ڵام هه‌ركات وردبینییه‌كه‌ ته‌واوبوو به‌غدا پاره‌كه‌ ده‌نێرێت".