مه‌ودا میدیا-

به‌ڕێوه‌به‌رى گشتى ئاو و ئاوه‌ڕۆى هه‌رێم رایگه‌یاند، له‌ ماوه‌ى رابردوو تا ئێستا زیاتر له‌ 588 هه‌زار هاوبه‌ش سودمه‌ندبوون له‌ لێخۆشبوونى به‌شێكى پاره‌ و قه‌رزى ئاو.

ئارى ئه‌حمه‌د، به‌ڕێوه‌به‌رى گشتى ئاو و ئاوه‌ڕۆى هه‌رێم به‌ مه‌ودا میدیاى راگه‌یاند "له‌ پارێزگاى هه‌ولێر زیاتر له‌ 292 هه‌زار هاوبه‌ش سودمه‌ندبوون له‌ لێخۆشبوونى له‌ %15 و له‌ %20ى پاره‌ى ئاو و قه‌رزى ئاو".

وتیشى "له‌ سلێمانى 134 هه‌زار هاوبه‌ش، له‌ دهۆك 129 هه‌زار هاوبه‌ش، له‌ هه‌ڵه‌بجه‌ 42 هه‌زار هاوبه‌ش، به‌ تێكڕا زیاتر له‌ 588 هه‌زار هاوبه‌ش ده‌كات".

ئه‌وه‌شى خسته‌ڕوو "تێكڕاى ئه‌و لێخۆشبوونه‌ى بۆ هاوبه‌شه‌كانى ئاو كراوه‌ زیاتر له‌ 12 ملیار دیناره‌ و لێخۆشبوونیش به‌رده‌وامه‌".