مه‌ودا میدیا-

کەشناسیی هه‌رێم، پێشبینییەکانی کەشوهەوای بۆ ئەمڕۆ و سبەی بڵاوکردەوە و به‌پێى پێشبینییه‌كانیش ئەمڕۆ ئاسمان لە نێوان ساماڵ و پەڵەهەور دەبێت و پلەكانی گەرماش بەراورد لەگەڵ تۆماركراوەكانی دوێنێ بە (1-2) پلە بەرزدەبێتەوە". 

بەڕێوەبەرایەتیی گشتیی کەشناسی و بومەلەرزەزانیی حكومه‌تى هه‌رێمى كوردستان رایگه‌یاندووه‌ "ئەمڕۆ دووشەممە، ئاسمان لە نێوان ساماڵ و پەڵەهەور دەبێت و پلەكانی گەرماش بەراورد لەگەڵ تۆماركراوەكانی دوێنێ بە (1-2) پلە بەرزدەبێتەوە و هەندێ ناوچەش پلەیەک دادەبەزێت".

راشیگه‌یاندووه‌ "هاوكات خێرایی با لەناوچەكانی سلێمانی و كەركوك و گەرمیان دەگاتە 10-20 كم لە كاتژمێرێكدا".

كه‌شناسی، ئاماژه‌ى به‌وه‌شكردووه‌ "سبەی سێشەممە، ئاسمان نیمچەهەور دەبێت لەناوچە شاخاوییەکان بۆ هەوری تەواو دەگۆڕێت و لە کاتەکانی شەودا لەناوچە سنوورییەکانی رۆژهەڵاتی هەرێم ئەگەری نمەباران هەیە کە هەندێ کات دەگۆرێت بۆ تاوەباران و برووسکە، بە شێوەی پچڕپچڕ بۆ کاتەکانی بەیانی رۆژی چوارشەممە بەردەوامی دەبێت".

بەرزترین پلەكانی گەرمای پێشبینیكراو بە پلەی سیلیزی:

هەولێر: 34

سلێمانی: 32

دهۆك: 36

كەركوك: 38

هەڵەبجە: 35

زاخۆ: 34

حاجی ئۆمەران: 19

سۆران: 31

گەرمیان: 39 

پ ح ع