مەودا میدیا-
لە راگەیەنراوێكدا بەڕێوەبەرایەتی پۆلیسی پارێزگای سلێمانی رەتیدەكاتەوە كە شەوی رابردوو لە گەڕەكی سەرچناری شاری سلێمانی هیچ رووداوێكی نەخوازراو روویدابێت.

لە راگەیەنراوەكەدا بەڕێوەبەرایەتی پۆلیسی پارێزگای سلێمانی ئاماژەی بۆ ئەوەكردووە" شەوی رابردوو لە هەندێك پەیج و ماڵپەر هەواڵێكی بێبنەما بڵاوكراوەتەوە كە گوایە لە گەڕەكی سەرچنار لە شاری سلێمانی گرژی و ئاڵۆزی روویداوە و تەقە كراوە و دوو هاوڵاتیش بریندارن". 

دەشڵێت"بە پێویستمان زانی هاوڵاتیانی شاری سلێمانی دڵنیابكەینەوە ئەو هەواڵانە سەراپایان دوورن لە راستییەوە، بەڵكو شەوی رابردوو وەك شەوانیتر شاری سلێمانی شەوێكی ئارامی بەڕێكردووە و هیچ رووداوێكی نەخوازراو تۆمار نەكراوە". 

پۆلیسی سلێمانی باسی لەوەشكردووە"هەر پەیج و ماڵپەرێك هەواڵی ناڕاست بڵاوبكاتەوە سكاڵای یاسایی لەسەر تۆمار دەكەن و رووبەڕووی یاسای دەكەنەوە".
ئ پ