مه‌ودا میدیا-

دواى ئه‌وى له‌ سنورى پارێزگاى سلێمانى رۆژى سێشه‌ممه‌ و چوارشه‌ممه‌ كراوه‌یه‌ پشوو، دایك و باوكى خوێندكار به‌تایبه‌ت ئاستى بنه‌ڕه‌تیی كێشه‌یان بۆ دروستبووه‌.

ژماره‌یه‌ك له‌ دایك و باوك كه‌ پیشه‌یان فه‌رمانبه‌رانه‌ به‌ مه‌ودا میدیایان راگه‌یاند "سبه‌ینێ بۆ ناوه‌نده‌كانى خوێندن كراوه‌ته‌ پشوو، ئێمه‌ منداڵى پۆلى یه‌ك و دوو و سێمان هه‌یه‌، ده‌بێت ئه‌وان له‌ماڵبن و ئێمه‌ش له‌ ده‌وام بین".

وتیشى "راگه‌یاندنى پشوو بۆ خوێندنگاكان گرفتى بۆ دروستكردوین، ناكرێت منداڵى بچوك له‌ ماڵه‌وه‌ بێت و دایك و باوك له‌ ده‌وامبن".

ئه‌مڕۆ دووشه‌ممه‌، له‌ سنورى پارێزگاى سلێمانى به‌هۆى سه‌رماوه‌ بڕیاردرا رۆژانى سێشه‌ممه‌ و چوارشه‌ممه‌ بكرێته‌ پشووى فه‌رمى.

ع