مه‌ودا میدیا-

به‌ڕێوه‌به‌رى خۆراكى سلێمانى، رایده‌گه‌یه‌نێت "به‌شه‌خۆراكى مانگى حه‌وتى هاوڵاتییان سه‌ره‌تاى هه‌فته‌ى داهاتوو دابه‌شده‌كرێت و دوو جۆر خۆراكیش زیادى كردووه‌". 

كامه‌ران فاتیح، به‌ڕێوه‌به‌رى خۆراكى سلێمانى بۆ مه‌ودا میدیا رایگه‌یاند "رۆژى یه‌كشه‌ممه‌ یان دووشه‌ممه‌، به‌شه‌خۆراكى هاوڵاتییان بۆ  مانگى حه‌وت دابه‌شده‌كرێت و بۆ ئه‌م مانگه‌ش هه‌ریه‌ك له‌ به‌شه‌خۆراكى ماش و نۆك زیادیكردووه‌".

وتیشى "دوو ملیۆن و 74 هه‌زار و 129 كه‌س سوودمه‌ند له‌ رێگه‌ى 32 بنكه‌وه‌ له‌م بڕه‌ خۆراكه‌ سوودمه‌مد ده‌بن".

ئاماژه‌ى به‌وه‌شكرد "له‌ بنكه‌كانى یه‌ك و دوو ده‌ستپێده‌كه‌ن ، كه‌ له‌ رێى سێ هه‌زار و 245 وه‌كیله‌وه‌ دابه‌شده‌كرێت، پرۆسه‌كه‌ درێژخایه‌نه‌ و بۆ ماوه‌ى 22 رۆژ ده‌خایه‌نێت".

پ ح ع