مەودا میدیا-

ئەمڕۆ شەممە 2025/1/4، بەڕێوەبەرایەتی کەشناسیی و بوومەلەرزانی هەرێم، کەشى پێشبینیکراوى 48 کاتژمێرى داهاتووی بڵاوکردەوە.

ریاگەیاند  "ئەمڕۆ ئاسمان ساماڵ دەبێت لەگەڵ درووسبوونی هەندێ پەڵە هەور، پلەکانی گەرماش بەراورد بە تۆمارکراوەکانى دوێنێ (1 بۆ 2) پلەی سیلیزی نزم دەبنەوە، وە هەروەها خێراى با لەسەرخۆ- مامناوەند دەبێت (05 بۆ 15) کم لە کاتژمێرێکدا بە ئاڕاستەی باکووری رۆژئاوا، مەوداى بینین لەنێوان ( 8 بۆ 10 ) کم دەبێت".

ئاماژەی بۆ ئەوەشکرد "سبەینێ ئاسمان ساماڵ و نیمچە هەور دەبێت لە کاتەکانی ئێوارەدا دەگۆرێت بۆ هەوری تەواو لەگەڵ ئەگەری بارینی نمە باران بە تایبەتی لە ناوچە شاخاوییەکان وە هەروەها بارینی بەفرێکی کەم لە ناوچە شاخاوییە سنوورییەکان، پلەکانی گەرما نزیک دەبێتەوە لە تۆمارکراوەکانى ئەمڕۆ، خێراى با لەسەرخۆ- مامناوەند دەبێت ( 05 بۆ 15 ) کم لە کاتژمێرێکدا بە ئاڕاستەی باکووری رۆژئاوا، وە هەروەها مەوداى بینین لەنێوان ( 8 بۆ 10) کم دەبێت".

کەشناسیی، بەرزترین پلەکانی گەرمای پێشبینیکراوی بەمشێوەیە لەنێوان شار و ناوچەکاندا خستووەتەڕوو:

هەولێر - 15 پلەى سیلیزىیە
سلێمانی - 14 پلەى سیلیزىیە
کەرکوک - 16 پلەى سیلیزىیە
دهۆک  - 14 پلەى سیلیزىیە
هەڵەبجە - 14  پلەى سیلیزىیە
گەرمیان - 17 پلەى سیلیزىیە
سۆران - 12 پلەى سیلیزىیە
زاخۆ - 15 پلەى سیلیزىیە
حاجی ئۆمەران - 5 پلەى سیلیزىیە

ب ح