مه‌ودا میدیا-

له‌ كۆبوونه‌وه‌ى ئه‌نجومه‌نى وه‌زیرانى عیراق بڕیاردرا بۆ هاوینى ئه‌مساڵ 20 كاتژمێر كاره‌باى نیشتمانیی بدرێته‌ هاوڵاتییان.

نوسینگەی محەمەد شیاع سودانی، سەرۆك وەزیرانی عیراق بڵاوكردەوە "كۆبوونەوەی ئەنجومەنی وەزیران بەڕێوەچوو و چەند بڕیارێكی پەیوەست بە رەوشی كارەبا و وەزارەتی كارەبا پەسەندكران".

باس له‌وه‌كراوه‌ "پلانی پێدانی گازی بێ بەرانبەر بۆ موەلیدەكان بۆ وەرزی هاوین و لە مانگەكانی 7 و 8 و 9 پەسەندكران كە 45 لیتر گاز بۆ هەر كیلۆڤۆڵتێك بێبەرانبەرە و دەبێت لە 24 کاتژمێردا 20 کاتژمێر كارەبا بە هاوڵاتییان بدرێت".


هه‌روه‌ها "لیژنەیەكیش پێكهێنراوە بۆ بەدواداچوونی نرخی كارەبای موەلیدە و كاتی كارپێكردن و دەركردنی رێنمایی پێویست لەگەڵ خەرجكردنی شایستەی كۆمپانیای دابەشكردنی بەرهەمە نەوتییەكان".

ع