مەودا میدیا-

بڕیارە هەفتەی داهاتوو دوای كۆتای هاتنی دابەشكردنی موچەی مانگی نیسان (4)، راستەوخۆ ئامادەکردنی لیستی مووچەی مانگی ئایار (5) دەستپێبکات.

سەرچاوەیەک لە وەزارەتی دارایی و ئابووری هەرێم رایگەیاند "رۆژی یەكشەممەی هەفتەی داهاتوو دەست بە ئامادەكرنی تەرازووی میزان موراجەعەی مانگی نیسان دەكرێت و دواتر رەوانەی بەغدا دەكرێت".

ئاماژەی بۆ ئەوەشکرد "وەزارەتی دارایی هەرێم خشتەی میزان موراجەعەی مانگی پێشوو لەگەڵ لیستی موچەی مانگی ئایار (5) رەوانەی بەغدا دەكات تاوەکو پێش جەژنی قوربان بەغدا مووچەی فەرمانبەرانی هەرێم خەرج بكات".

ب ح