مه‌ودا میدیا-

به‌ڕێوه‌به‌رى گشتیی بازرگانیی هه‌رێم رایگه‌یاند، برنجى به‌شه‌خۆراك بۆ سنورى پارێزگاى سلێمانى چاره‌سه‌ر بووه‌ و له‌ دوو رۆژى داهاتووش زه‌یت بۆ پارێزگاى سلێمانى ره‌وانه‌ ده‌كرێت.

نه‌وزاد شێخ كامیل، به‌ڕێوه‌به‌رى گشتیی بازرگانیی هه‌رێم به‌ مه‌ودا میدیاى رایگه‌یاند "برن و رۆنى به‌شه‌خۆراك له‌ هه‌ولێر و دهۆك كێشه‌ى نییه‌، به‌ڵام بۆ پارێزگاى سلێمانى گرفت دروستبووه‌".

وتیشى "چاره‌سه‌رى برنج كراوه‌ و ده‌ست به‌دابه‌شكردن كراوه‌، بۆ رۆنیش به‌ هه‌مان شێوه‌ پارێزگاى سلێمانى كێشه‌ى هه‌یه‌ و ئه‌ویش له‌ دوو رۆژى داهاتوو چاره‌سه‌ر ده‌بێت".

ماوه‌ى سێ مانگه‌ گرفت بۆ رۆنى به‌شه‌خۆراك دروستبووه‌ و به‌ راى به‌رپرسانى بازرگانیی هه‌رێم هۆكاره‌كه‌ كارگه‌ى رۆنى عیراقه‌، به‌ڵام تا ئێستا بازرگانیی عیراق باسى كێشه‌ى كارگه‌ى رۆنى نه‌كردووه‌.

ع