مەودا میدیا-

بەڕێوەبەرایەتی بازرگانیی دانەوێڵەی سلێمانی ئاگاداری جووتیاران دەکاتەوە کە سبەینێ 2025/6/10، دەست بە پرۆسەی بە بازاڕکردنی گەنم بۆ وەرزی 2025، دەکرێت.

بەڕێوەبەرایەتی بازرگانیی دانەوێڵەی سلێمانی/ سایلۆی سلێمانی لە ناحیەی پیرەمەگروون رایگەیاند "ئەمساڵیش وەک ساڵی رابردوو گەنم وەرگرتن لەسەر بنەمای ناوچە جیاوازەکانە، بۆیە داواکارن لە جووتیاران دەکەن رەچاوی ئەم خاڵانە بکەن":

1-سبەینێ تەنها جووتیارانی سنووری هەر دوو بەشی کشتوکاڵی پیرەمەگروون و تانجەرۆ(عەربەت)  گەنمەکانیان بێنن جگە لە جووتیارانی ئەو دوو بەشە کشتوکاڵییە هیچ  جووتیارێک لە بەشە کشتوکاڵیەکانی تر ئۆتۆمبێلە بارهەڵگرەکانیان رانەگرن.

2-جووتیاران ئۆتۆمبێلە بارهەڵگرەکانیان  بە یەک ریز رابگرن و دەبێت سەرجەم ئۆتۆمبێلەکان پڕ بن لە دانەوێڵە وە بە پێچەوانەوە باج  بە دوو ریز و بە هیچ ئۆتۆمبێلێکی بەتاڵ و نیوە نادرێت .

4-تراکتۆرەکان لای دیواری سایلۆوە بۆ سەرەوە بۆ لای سەربڕخانەکەی پیرەمەگروون  بە یەک ریز بۆستن  و پێویستە دانەوێڵەیان پێبێت بە پێچەوانەی رێنماییەکان باج بە هیچ تراکتۆرێک نادرێت.

4-بۆ هەر بارهەڵگرێک پێویستە تەنها شوفێری بارهەڵگرەکە بێتە ژوورەوە  بۆ راییکردنی مامەڵەکان هیچ بار هەڵگرێک  نابێت لە یەک کەس زیاتری لەگەڵ بێت.

5-وەک تێبنی کراوە، خاوەن ئۆتۆمبێلە بارهەڵگرەکان بە پلێت و ئاسان بۆدی  گەڵابەکانیان بەرزکردووەتەوە، بۆ ئەوەی دانەوێڵەی زیاتری لێ بار بکرێت، بۆیە هەر بارهەڵگرێک بەشێوەیەک  بەرزیکردبێتەوە کە ئامێری راکێشانی گەنم بۆ پشکنین نەگانە بنی بۆدیەکە ،گەنمەکەی لێ وەرناگیرێت.

6-داوا لە جووتیاران دەکەن گەنمەکانیان تەنها لەو بارهەڵگرانە بارکەن کە خۆیان هەڵی دەڕێژن واتە قلابن، بە پێچەوانەوە  گەنمیان لێ وەرناگیرێت.

ب ح