مەودا میدیا-

وەزارەتی دارایی و ئابووری هەرێمی کوردستان دەستی بە ئامادەکردنی لیستی مووچەی مانگی حەوت کردووە، هەرچەندە تاوەکو ئێستا بەغدا وردبینی لە لیستی مووچەی مانگەکانی (5 و 6)دا نەکردووە".

سەرچاوەیەک لە وەزارەتی دارایی و ئابووری هەرێم رایگەیاند "بڕیارە ئەم هەفتەیە دەست بە ئامادەکردنی لیستی مووچەی مانگی حەوت بکەن و پێش 20ی ئەم مانگە لیستەکە رەوانەی بەغدا بکەن".

ئاماژەی بۆ ئەوەشکرد "وەزارەتی دارایی و ئابووری هەرێم ئەرک و پابەندییەکانی خۆی جێبەجێ دەکات و لیستی مووچە ئامادە دەکات و لە وادەی دیاریکراوی خۆیدا رادەستی بەغدای دەکات".

ب ح