مه‌ودا میدیا-

ساڵى رابردوو هه‌نگه‌وانان نه‌بوونه‌ خاوه‌نى به‌رهه‌مێكى باشى هه‌نگوین، به‌ڵام ئه‌مساڵ چاویان له‌وه‌یه‌ به‌رهه‌مى هه‌نگوین باش بێت و قه‌ره‌بووى ساڵى رابردووش بكه‌نه‌وه‌.

هۆشمه‌ند ئه‌حمه‌د، هه‌نگه‌وان به‌ مه‌ودا میدیاى رایگه‌یاند "ساڵى رابردوو ساڵى هه‌نگوین نه‌بوو، له‌ هیچ ناوچه‌یه‌ك به‌رهه‌مى هه‌نگوین نه‌بوو، هه‌نگه‌وانان هیچ سودێكیان پێنه‌گه‌یشت و به‌رهه‌مى باشیان نه‌بوو".

وتیشى "ئه‌مساڵ تا راده‌یه‌ك شیله‌ هه‌یه‌ و هه‌نگه‌وانانیش دڵخۆشن به‌وه‌ى به‌رهه‌مێكى باش هه‌بێت و لانى كه‌م قه‌ره‌بووى ساڵى رابردوو بكه‌نه‌وه‌، چونكه‌ زۆرێك خه‌ڵك ئیش و كاریان له‌سه‌ر هه‌نگوینه‌، خه‌رجییه‌كى زۆر ده‌كه‌ن بۆ ئه‌وه‌ى به‌رهه‌مێكى زۆریان هه‌بێت و بژێوییان له‌سه‌ر ئه‌و هه‌نگوینه‌یه‌".

به‌پێى ئاماره‌كانى كۆمه‌ڵه‌ى هه‌نگه‌وانان، ساڵانه‌ ئه‌گه‌ر گرفتى سروشتیی دروستنه‌بێت سه‌رو 500 ته‌ن به‌رهه‌مى هه‌نگوین ده‌بێت.

ع