مەودا میدیا-

وتەبێژی وەزارەتی تەندروستی حكومەتی هەرێمی كوردستان رایدەگەیەنێت، ئەگەر بزانین كۆرۆنا دوبارە مەترسی دروست دەكاتەوە ناچار دەبین بیر لە راگرتنی دەوام و قەدەغەی هاتووچۆ بكەینەوە.

محەمەد قادر، وتەبێژی وەزارەتی تەندروستی حكومەتی هەرێمی كوردستان رایگەیاندووە "ئەگەر مەترسی كۆرۆنا بەزربێتەوە و حاڵەتەكانی تووشبوون زیاتر بن، هەموو ئەو رێكارانە دەگرینەبەر كە پێویست".

هەروەها دەلێت "ئەگەر تووشبوون بە كۆرۆنا بەردەوامی هەبێت، ناچار دەبین بیر لە راگرتنەوەی دەوام و قەدەغەی هاتووچۆی توند بكەینەوە لەگەڵ داخستنی بازار".

دەشڵێت "مەترسییەكە بوونی هەیە بەڵام بەهۆی دۆخی هاوڵاتیان و گوزەرانیان ناتوانین بڕیار بدەین".