مەودا میدیا-

سەرپەرشتیاری لیژنەی بەرنگاربوونەوەی كۆرۆنا لە سلێمانی رایدەگەیەنێت، پێویستە بۆ سێ رۆژی جەژن قەدەغەی هاتووچۆی سەرتاسەری رابگەیەندرێت چونكە بە هەزاران باوك و بێوەژن نانیان نییە و ناتوانن جل بكڕن بۆ منداڵەكانیان.

هێرش حەیدەر، سەرۆكی لیژنەی بەرنگاربوونەوەی ڤایرۆسی كۆرۆنا لە سلێمانی رایگەیاند "وەك ئەوەی حكومەت هیچی پێ نییە بۆ هاونیشتمانیانی، پێویستە سێ رۆژی جەژنی رەمەزان قەدەغەی هاتووچۆ بكرێت".

ئەوەشی خستوەتەڕوو "هەزاران باوك و بێوەژن هەیە كە نەیتوانیوە جلی جەژن بۆ منداڵەكانیان بكەن و پارەی نانی جەژنیان نییە، ئەگەر هاتووچۆ نەبێت لای منداڵەكانیان ئیحراج نابن".

باسی لەوەشكردووە "یان پێكەوە رێگە نەدەین ئەوە رووبدات یان با قەدەغەی هاتووچۆی سەرتاسەری بكرێت".