مەودا میدیا-

حكومەتی ھەرێمی كوردستان بڕیاریداوە پردی دەربەندی رانیە کە  ناوچەی رانیە و بنگرد پێکەوە دەبەستێتەوە نۆژەن بكرێتەوە و  وەزارەتی ئاوەدانکردنەوە و نیشتەجێکردن بڕیاری داوە ھەفتەی داھاتوو پڕۆژەكە دەست پێبکات

 وەزارەتی ئاوەدانکردنەوە و نیشتەجێکردنی حکومەتی هەرێمی کوردستان لە راگەیەندراوێكدا ئاشکرای کردووە "بەبڕیاری دانا عەبدولکەریم، وەزیری ئاوەدانکردنەوە و نیشتەجێکردنی حکومەتی ھەرێم، ھەفتەی داھاتوو دەستدەکرێت بە کاری چاککردن و نۆژەنکردنەوەی پردی دەربەندی رانیە".

ئاماژە بەوەشكراوە "پڕۆژەکە لەلایەن وەزیری ئاوەدانکردنەوە و نیشتەجێکردنەوە چاودێری و سەرپەرشتی دەکرێت، بۆ لە نزیکەوە ئاگاداربوون لە جێبەجێکردنی پڕۆژەکە و ھەرچی زوو تەواوکردنی، بە مەبەستی خزمەتکردنی بە ھاووڵاتیان و جوتیارانی سنوورەکە".