مەودا میدیا-

دوای ئەوەی دوێنێ سێشەممە، وەزیری دەرەوەی ئێران بە سەردانێك گەیشتە رووسیا، لە تویتێكدا باسی لەوەكردووە، كۆبوونەوەیەكی گرنگی كردووە و پەیامێكی گرنگیشی داوە بە سەرۆكی رووسیا.

محەمەد جەواد زەریف، وەزیری دەرەوەی ئێران باسی لەوەكردووە "لەگەڵ سێرگی لاڤرۆف، وەزیری دەرەوەی رووسیا كۆبوونەوەی گرنگ و فراوانمان ئەنجامداوە".

ئەوەشی خستوەتەڕوو "لە سەردانەكەمدا بۆ رووسیا پەیامێكی گرنگم داوە بە ڤلادیمێر پوتین، سەرۆك كۆماری رووسیا" هەروەها، هەردوولا هاوڕابووین لەسەر رێككەوتنی ناوكی نێوان ئێران و وڵاتانی دیكە و رێككەوتن درێژخایەن بۆ هاوكاری ستراتیژی".

ئێران و رووسیا ساڵانێكە هاوكار و پەیوەندی باش لە نێوانیاندا هەیە و پێش سێ ساڵێك ڤلادیمێر پوتین سەردانی ئێرانی كرد و پەیوەندی و هاوكاری وڵاتەكەی بۆ ئێران دوپاتكردەوە لە بەرانبەر گەمارۆكانی ئەمەریكا.

ه،ع