مه‌ودا میدیا-

دوای كۆبوونه‌وه‌ی هه‌رسێ‌ سه‌رۆكایه‌تیه‌كه‌ی هه‌رێم پێكه‌وه‌، كۆبوونه‌وه‌ی هه‌رسێ‌ سه‌رۆكایه‌تیه‌كه‌ و كه‌سی یه‌كه‌می حزب و لایه‌نه‌ سیاسییه‌كان له‌شاری هه‌ولێر ده‌ستی پێكرد.

ئامانجی كۆبوونه‌وه‌ی هه‌ر سێ‌ سه‌رۆكایه‌تییه‌كه‌ له‌گه‌ڵ حزب و لایه‌نه‌ سیاسییه‌كان به‌مه‌به‌ستی تاوتوێكردنی دواین ره‌وشی گۆڕانكارییه‌كانی عیراق و ئاڵۆزییه‌كانی ناوچه‌كه‌ و تاوتوێكردنی په‌یوه‌ندییه‌كانی نێوان هه‌رێم و ناوه‌نده‌.

دوای كوژرانی هه‌ریه‌ك له‌قاسمی سلێمانی فه‌رمانده‌ی فه‌یله‌قی قودسی سوپای پاسدارانی ئێران و ئه‌بومه‌هدی موهه‌ندیس جێگری سه‌رۆكی ده‌سته‌ی حه‌شدی شه‌عبی و ژماره‌یه‌ك فه‌رمانده‌ی تری ئێرانی و حه‌شدی شه‌عبی له‌لایه‌ن ئه‌مریكاوه‌ كۆمه‌ڵێك رووداوو گۆڕانكاری ناوچه‌كه‌ی گرته‌وه‌ له‌سه‌روویانه‌وه‌ بڕیاری ده‌ركردنی هێزه‌ بیانیه‌كان له‌لایه‌ن په‌رله‌مانی عیراق و ئه‌گه‌ری سه‌پاندنی سزای ئابوری به‌سه‌ر عیراقدا له‌لایه‌ن ئه‌مریكاوه‌.

شه‌وی رابردووش سوپای پاسدارانی كۆماری ئیسلامی ئێران بۆردوومانی بنكه‌ سه‌ربازییه‌كانی ئه‌مریكای كرد له‌ هه‌ولێر و ئه‌نبار.