مه‌ودا میدیا-

ئه‌ندامێكی په‌رله‌مانی كوردستان رایگه‌یاند هیوادارین هێزه‌ ركابه‌ره‌كان به‌گفتوگۆ و به‌مه‌نتیقی عه‌قڵ كێشه‌كان چاره‌سه‌ر بكه‌ن باسی له‌وه‌شكرد هیوادارین ئه‌و هێزانه‌ كوردستان نه‌كه‌نه‌ گۆڕه‌پانی ململانێكانیان.

مه‌م بورهان قانع، ئه‌ندامی په‌رله‌مانی كوردستان له‌فراكسیۆنی نه‌وه‌ی نوێ‌ به‌ مه‌ودا میدیای راگه‌یاند "ئێمه‌ دژی ئه‌وه‌ین هه‌رێمی كوردستان و عیراق ببێته‌ گۆڕه‌پانی ململانێی سیاسی هێزه‌ ركابه‌ره‌كان هیوادارین پریشكی ئاگره‌كه‌ به‌ هه‌رێمی كوردستان و عیراق 
نه‌كه‌وێت".

ئه‌و ئه‌ندامه‌ی په‌رله‌مانی كوردستان وتیشی"ئێمه‌ هیوادارین هێزه‌ ركابه‌ره‌كان به‌مه‌نتیقی عه‌قڵ و له‌سه‌ر مێزی گفتوگۆ ناكۆكییه‌كان چاره‌سه‌ربكه‌ن له‌بری شه‌ڕكردن".