مەودا میدیا- سازگار ئەحمەد

سەرلەبەیانی ئەمڕۆ 15مین دانیشتنی دادگا بۆ کەیسی سێوان قادر و منداڵەکانی بەڕێوەچوو، لە دانیشتنەکەدا دادوەر بڕیاری کۆتایی لەسەر کەیسەکە دا و بە تۆمەتی کوشتنی هاوسەر و سێ منداڵەکەی تاوانبار کرا.
 
بنار عادل، پارێزەری کەیسەکەی سێوان قادر و منداڵەکانی بە مەودا میدیای راگەیاند "سەرلەبەیانی ئەمڕۆ 15مین دانیشتنی دادگا بۆ کەیسی سێوان قادر و منداڵەکانی بەڕێوەچوو، لە دانیشتنەکەدا دادوەر بڕیاری لە سێدارەدانی بۆ (دیار مەجید) هاوسەری سێوان قادر دەرکرد".

جێگای وەبیرهێنانەوەیە، لە ناوەڕاستی مانگی تشرینی دووەمی ساڵیی 2018 لە رووداوێكی گوماناویدا لە قەزای چەمچەماڵ، سێوان قادر و سێ منداڵەكەی لە ناو ماڵی خۆیان سوتان، دوای ئەوەی دەستبەجێ سێ منداڵەكەی گیانیان لە دەستدا، دوای هەفتەیەك مانەوە لە نەخۆشخانە خۆشی گیانی لە دەستدا.