مه‌ودا میدیا- 

كۆمپانیاى نه‌وتى به‌ بازاڕكردنى عیراف "سۆمۆ" بڕی نه‌وتى هه‌نارده‌كراو و داهاتى نه‌وتى له‌ ماوه‌ى نۆ مانگى رابردووى ئه‌مساڵ بڵاو كرده‌وه‌ ده‌یان ملیار دۆلار بووه‌.

به‌پێى راگه‌یه‌ندراوه‌كه‌ى كۆمپانیاى سۆمۆ "له‌ ماوه‌ى ئه‌و نۆ مانگه‌دا عیراق بڕى 918 ملیۆن و 290 هه‌زار و 407 هه‌زار به‌رمیل نه‌وتى هه‌نارده‌ كراوه‌، به‌ تێكڕاى مانگانه‌ى 102 ملیۆن و 32 هه‌زار و 297 هه‌زار به‌رمیل هه‌نارده‌كراوه‌".

باس له‌وه‌شكراوه‌ "داهاته‌كه‌یشى 48 ملیار و 821 ملیۆن و 656 هه‌زار و 721 دۆلار بووه‌".

ئه‌وه‌ش له‌كاتێكدایه‌ ماوه‌ى مانگێگه‌ هه‌نارده‌ى نه‌وتى هه‌رێم له‌ رێگه‌ى كۆمپانیاى سۆمۆوه‌ ده‌ستیپێكردووه‌ته‌وه‌ و سه‌رو 4 ملیۆن به‌رمیل هه‌نارده‌كراوه‌ و بڕیاریشه‌ له‌ داهاتوودا هه‌نارده‌كردن به‌رزبكرێته‌وه‌.

ع